skip to Main Content

Maak-of-breek vrae vir potensiële trou venues

Maak-of-breek Vrae Vir Potensiële Trou Venues

Die hartklop van die troue is die venue. Dit bepaal die vibe van julle troue, dit gaan meeste elemente affekteer, en sodra jy jou venue het val soveel dinge maklik in plek. Maar om die regte venue vir julle te kies is ‘n groot keuse.

Soms word paartjies betower deur mooi venues, en vergeet om belangrike vrae te vra. Dit veroorsaak dat jul oorspronklike visie vir julle troue al verder weg beweeg, omdat die venue beperkings net nie goed saamwerk met daardie idees van julle nie. Of julle besef te laat dat julle uit jul sak baie meer addisionele kostes sal moet dek as wat jul aanvanklik voor begroot het. Of nog erger – dat daar basiese elemente, wat julle as vanselfsprekend aanvaar het, kortkom. Dis soms ‘n bitter pil vir ‘n bruid om te sluk as haar visie al verder wegdryf. Maar moenie bekommer nie, bruidjie – ons het ‘n lys saamgestel van die maak-of-breek vrae wat jy jou venue moet vra voordat jy op een besluit…

Vrae rondom algemene venue reëls, kontrak en logstieke wat julle dag kan affekteer:

EEN

Hoeveel ure word die venue aan julle gegee – en is opstel en afbreek tye hierby ingesluit?

2. Tot hoe laat word die musiek toegelaat, en hoe laat moet die gaste die perseel verlaat?

DRIE

Is die venue personeel heel dag en aand beskikbaar om krisisse te hanteer (bv ‘n bestuurder of koördineerder)?

4. Verskaf die venue dienste soos:

sekuriteit

kroegpersoneel

kelners

skoonmakers

kinder-oppassers ens.

en wat kos dit?

VYF:

Is daar genoeg veilige parkering vir gaste (jy benodig ongeveer een parkeerplek vir elke 2 gaste)

Is daar parkering naby aan die saal/onthaal area vir enige diensverskaffers wat swaar items (soos meubels) of die koek moet aflewer? Indien nie – waarsku die diensverskaffers betyds sodat hulle ekstra hande saamvat.

6. Wat is hulle reël rondom drank en die kroeg?

  1. Mag julle drank van buite af bring of moet julle dit by hulle koop?

2. Watter tipe drank word NIE toegelaat (bv word ‘n KEG toegelaat)?

3. Laat hulle dinge toe soos ‘n coffee-cart of gin tastings?

4. Hoeveel drank is toelaatbaar? Is daar ‘n maksimum?

5. Is daar corkage fees?

6. Hoe lyk hul drank pryse by die kroeg?

SEWE:

Reëls en geriewe i.v.m. die kos:

  1. Mag julle buite-spysenier dienste inbring?
  2. Sal hulle dienste soos food-trucks toelaat?
  3. Is daar vir buite-spyseniers genoeg plek om kos te maak & te stoor op die perseel?
  4. Indien julle van hul spysenier gebruik maak – hoe bereidwillig is hulle om spesiale versoeke rondom die spyskaart te bewerkstellig?

8. Seisoenale reëlings:

Het hulle backup-planne in geval van reën of stormwinde – of moet julle self planne maak?

Het hulle ekstra verwarmers in geval van ‘n koue front, of aircon/waaiers in geval van ‘n hitte-golf?

NEGE:

DEKOR BEPERKINGS:

  1. Word alle confetti toegelaat?
  2. Mag julle sparklers of vuurwerke gebruik, sou julle wou?
  3. Mag julle dinge ophang teen die mure of dak (sommige venues beperk bv die aanbring van dinge wat die struktuur kan beskadig soos gom, prestik of spykers) ?
  4. Hoe lank voor die tyd mag julle die dekor begin opstel (affekteer ons DIY bruide)?
  5. Enige dekor wat nie toegelaat word nie? Soos kerse op die tafels sonder kershouers, fairy lights ens?
  6. Watter dekor moet julle van buite af inbring en watter dekor voorsien hulle? Is dit ingesluit by hul prys, of wat kos dit? Sluit eetgerei en linne ook hierby in.
  7. Wat is hul standaard uitleg van tafels, dansvloer, DJ tafel, photobooth ens? Is dit maklik aanpasbaar? Enige praktiese rede hoekom dit spesifiek so uitgelê word?

NB – vra om alle dekor, meubels ens wat die venue voorsien eers te sien en toets dit uit – sit bv op die stoele – en besluit of dit is wat julle wil hê. Is daar genoeg van alles vir die hoeveelheid gaste en die idee wat jy het?

10

Musiek, klank en ligte…

  1. Is daar genoeg beligting by areas wat goed belig moet wees – soos die photobooth, opskep-areas ens?
  2. Enige reëls of beperkings op die tipe musiek wat julle mag gebruik?
  3. Voorsien die venue ‘n klanksisteem vir die seremonie en onthaal areas, of sal die DJ dit moet voorsien?
  4. Is daar genoeg elektriese punte en elektriese toevoer vir alle diensverskaffers wat julle inbring om hul toerusting te gebruik (bv musikante, spyseniers, DJ, videograaf se ligte ens)?

ELF:

Is daar enige ander funksies die dag voor of van die troue wat kan inmeng met jul oefenlopie of die troue self? Laat hulle ‘n oefenlopie toe?

12

Wie gaan skoonmaak en afbreek die dag na die troue?

Moet julle dit self doen?

DERTIEN:

Is daar ‘n maksimum en minumum getal gaste vir die prys per kop wat julle betaal? Beperk hulle die getal strooimeisies/strooijonkers wat julle mag hê?

14

Jy hoef nie noodwendig te vra nie, maar let op na die volgende:

  1. Is daar mooi plek vir foto’s neem?
  2. Het die kamers waarin julle gaan gereed maak baie naturlike lig, genoeg spieëls, genoeg elektriese punte, genoeg beweeg spasie vir die groep, mooi foto-plekkies, aircon/waaiers?
  3. Is die meubels, dekor ens in goeie kondisie en is daar genoeg?
  4. Is die plek kinder vriendelik?
  5. Sal daar genoeg sitplek en beweeg-spasie wees vir jou gaste terwyl hulle vir julle fotosessie wag?

VYFTIEN:

Wat (wat julle alles gesien het of wat adverteer word) is NIE by die prys ingesluit nie? Is daar enige addisionele kostes wat julle van moet weet? Bv sluit die prys per kop wat adverteer word BTW in (dit maak ‘n GROOT verskil)?

Bied hulle addisionele dienste soos bloemiste, koek, DJ ens – en hoe vergelyk hul pryse met die standaard?


Wanneer jy na ‘n venue gaan kyk – maak vir jou vooraf ‘n lys van enige unieke elemente wat jy aan gedink het om by jou dag in te sluit – en noem dit aan die koördineerder. Sy/hy sal dadelik vir jou kan sê of die venue jou daarmee sal kan akkomodeer of nie.

Gaan vind nou die perfekte venue!

Lekker beplan bruidjies!

xoxo

Ervare Bruid

Back To Top